Kwanini Mtanzania ufuge samaki

Kuna upungufu mkubwa sana wa protini duniani na hasa katika nchi zinazoendelea ikiwemo Tanzania inayotokana kwa asilimia kubwa na vyakula vya aina ya nyama. Upungufu huu wa protini ambayo ni muhimu kwa maendeleo ya afya ya binadamu hasa watoto wadogo na vijana wa umri chini ya miaka 25 husababisha ugonjwa wa kwashakoo kwa watoto. 

 Pia matumizi ya samaki na hasa mafuta ya samaki ambayo ndo yanatumika sana kuwanywesha watoto wadogo yamethibitika kisayansi kuwa yanasaidia sana ukuaji wa ubongo wa mwanadamu. Lakini pia uwepo wa kiwango kidogo sana cha kolestero ambayo imeripotiwa kusababisha ugonjwa wa moyo kimepelekea ongezeko kubwa la watu kula samaki.

KWANINI TUNAHAMASISHA WATU WAFUGE SAMAKI:-

-Ongezeko kubwa la uhitaji wa samaki ndani na nje ya nchi yetu kunako fanya samaki wliopo kutotosheleza mahitaji.

-Kupungua kwa samaki wa asili kwenye mito, maziwa na bahari kunakotokana na uvuvi wa kupindukia na haramu.

-Urahisi wa kufuga samaki kwa vile hawahitaji eneo kubwa na chakula kisichokuwa na gharama kubwa.

-Wanauwezo wa kutoa mazao mengi ,faida kubwa, katika eneo dogo tena ndani ya muda mfupi, uvunaji wa kwanza huanza baada ya miezi 4 hadi 6 hivi na uvunaji wa mwisho kati ya miezi 12.

-Ufugaji wa samaki utaisaidia familia kupata kitoweo pasipo gharama za ziada na tena itapata protini ya uhakika.

-Upatikanaji wa maji maeneo mengi ya nchi yetu hasa angalau kwa muda wa miezi michache kwa mwaka hii inatoa fursa ya kuzalisha samaki katika kipindi ambacho maji yanakuwepo. Lakini pia maeneo yenye maji ya bomba yanaweza kuzalisha samaki muda wote .

-Samaki wanavumilia sana magonjwa, hata mazingira duni wanauwezo wa kuishi hasa samaki aina ya perege na kambale.

Share on Google Plus

About Unknown